CCVA គឺជាវេទិកាអនឡាញដែលនាំមកនូវកិត្យានុភាពដល់សិល្បករទស្សន៍ខ្មែរបច្ចុប្បន្ន។ ពួកយើងជាក្រុមតូចមួយនៃសិល្បករ អ្នកគ្រប់គ្រងសិល្បៈនិងអ្នកច្នៃប្រឌិតដែលមានមូលដ្ឋាននៅក្នុងប្រទេសកម្ពុជាដែលមើលឃើញតម្រូវការក្នុងសហគមន៍របស់យើងក្នុងការកសាងស្ពានរវាងសិល្បករជំនាន់ផ្សេងៗគ្នា និងបង្កើនឱ្យមានការបង្ហាញពីទស្សនិកជនទាំងជិត ឬឆ្ងាយ។
ទស្សនវិស័យរបស់យើង
យើងបានបង្កើតគេហទំព័រនេះដើម្បីបើកឱ្យសហគមន៍សិល្បៈមានទំនាក់ទំនងគ្នាកាន់តែច្រើនដែលសិល្បករអាចទទួលបានអត្ថប្រយោជន៍ និងរីកចម្រើនតាមរយៈចំណេះដឹងអំពីការងារ និង វត្តមានរបស់គ្នាទៅវិញទៅមក។ យើងជឿជាក់ថានេះគឺជាជំហានឆ្ពោះទៅរកទំនាក់ទំនងដ៏មានអត្ថន័យ បណ្តាញ កាន់តែរឹងមាំ និងឱកាសដែលនឹងគាំទ្រដល់ការអភិវឌ្ឍន៍រយៈពេលវែងនៃសិល្បៈ កម្ពុជានាពេលបច្ចុប្បន្ន។ វាក៏ជាជំហានមួយឆ្ពោះទៅរកការពង្រឹងបណ្ណសារនៃសិល្បៈសហសម័យខ្មែរផងដែរ។
បេសកកម្មរបស់យើង
ទោះបីជាយើងមានសហគមន៍សិល្បករដែលមានភាពរីកចម្រើនក៏ដោយ ប៉ុន្តែបណ្តាញនេះនៅមិនទាន់មានភាពងាយស្រួលនៅឡើយទេ។ គេហទំព័រនេះមានទាំងជាភាសាខ្មែរ និងភាសាអង់គ្លេសនៅទីនេះដើម្បីជាមជ្ឈមណ្ឌលចំណេះដឹងនិងជាស្ពានចម្លងចន្លោះប្រហោង។ វាអនុញ្ញាតឱ្យអ្នកស្រាវជ្រាវ អ្នករៀបចំពិព័រណ៍ អ្នកប្រមូលសិល្បៈ និងអ្នកដែលចាប់អារម្មណ៍ក្នុងការស្វែងយល់បន្ថែមអំពីសិល្បៈខ្មែរសហសម័យ ជាចំណុចចូលទៅក្នុងការងាររបស់សិល្បករដែលសកម្មនៅក្នុងសហគមន៍សិល្បៈទស្សន៍នាពេលបច្ចុប្បន្ននេះ។
គម្រោងនេះទទួលបានជំនួយថវិកាពីកម្មវិធី Prototype & Innovate Fund ពីមូលនិធិ រ៉ៃ។
