ខ្ចៅ ទូច

ខ្ចៅ ទូច​ (កើត​ឆ្នាំ​១៩៨២ ក្នុង​ខេត្ត​បាត់ដំបង) រស់នៅ​ និងធ្វើ​ការ​ក្នុង​ ខេត្ត​បាត់​ដំបង។ គាត់បាន​បញ្ចប់ការ​សិក្សា​សិល្បៈពី ​អង្គការ​ ហ្វារ​ពន្លឺសិល្បៈ ក្នុង​ឆ្នាំ​២០០៣ ហើយ​បាន​ក្លាយជា​គ្រូបង្រៀន​នៅ​ទីនោះ ​រហូតដល់ឆ្នាំ​២០០៨ នៅពេល​ដែល​គាត់​សម្រេចចិត្តធ្វើជាសិល្បករ​ពេញម៉ោង។ គាត់​ធ្វើ​ការ​នៅក្នុង​គ្រប់ទំរង់​សិល្បៈ ចាប់តាំងពី​ការ​ប្រើ​ប្រាស់ពណ័ប្រេង អាគ្រីលីក ពណ័ទឹក​ រហូតដល់ការផ្តិតរូប ចម្លាក់ និងការ​តំឡើង។ ការ​បំផុស​គំនិត​របស់គាត់​ គឺ​ចេញពី​ធម្មជាតិដែល​បង្កើតជា​ទំនាក់ទំនង​ជា​មួយ​នឹង​ចក្រវាល និងសរីរាង្គទាំងឡាយ។ ទូច គឺ​ជា​សិល្បករ​ឯករាជ្យ​ម្នាក់ ដែលប្រើប្រាស់​បេះដូង​ជា​កំលាំងចលករនៃ​សិល្បករ និងវិធីសាស្ត្ររស់នៅក្នុង​ជីវិត។ 

​ពិព័រណ៍ទោល​របស់គាត់​បាន​ដាក់តាំងនៅក្នុង ​មជ្ឈមណ្ឌល ​វប្បធម៏បារាំង​ និងកាហ្វេសិល្បៈ នៅ​ភ្នំពេញ, សណ្ឋាគារ de la Paix និង​នៅក្នុង ​មជ្ឈមណ្ឌល ​វប្បធម៏បារាំង​ ខេត្ត​សៀមរាប​ ព្រមទាំងចូលរួមក្នុងការតាំងពិពណ៌ជាក្រុមជាច្រើននៅ កម្ពុជា និងនៅបរទេស។ ទូច​ បាន​ធ្វើ​និវាសដ្ឋាន​សិល្បៈនៅ ​Atelier Fenetre sur rue  ទី​ក្រុង Bordeaux ប្រទេស​បារាំង​ (ឆ្នាំ​២០០៧) និង នៅ​ទីក្រុង​ ឡុង​ប៊ិច សហរដ្ឋអាមេរិក (ឆ្នាំ​២០០៩) ដែល​ជា​កន្លែងដែល​គាត់​ធ្វើ​និវាសដ្ឋាន​សិល្បៈ និង ការ​តំឡើង​ នៅវិចិត្រសាល  2^nd City។ គាត់​បាន​ជាប់ឈ្មោះ​នៅក្នុង​ពានរង្វាន់ Sovereign Asia Art Prixe ក្នុង​ឆ្នាំ​២០០៩ និងឆ្នាំ ២០២០។ គាត់​ក៏បានជាប់ឈ្មោះក្នុងការឈ្នះពានរង្វាន់សិល្បៈ “យូឃិន អនុស្សាវរីយ៍ស្ត្រីឆ្នាំ ២០១០” និងបានចុះក្នុងបញ្ជីសិល្បករកំពូលៗ ទាំង ១០ របស់ទស្សនាវដ្តីអាស៊ីអាគ្នេយ៍។ បន្ទាប់ពីប៉ុន្មានឆ្នាំក្រោយដែលគាត់​ក្លាយ​ជា​ម្តាយ និងជា​ស្រ្តី​មេផ្ទះ គាត់​ក៏បាន​បើកវិចិត្រសាលមួយ​ ឈ្មោះ ផ្កាឈូក នៅខេត្តបាត់ដំបង ​ជាមួយ​ស្វាមីរបស់គាត់​ ។ ការតាំងពិព័រណ៍ទោលនាពេលថ្មីៗនេះរួមមាន​ «ខ្ញុំជាធម្មជាតិមែនទេ?» នៅមីរ៉ាស្ស សិល្បៈសហសម័យ (២០២០) ក្នុង​ខេត្ត​ សៀមរាប និងឈ្នះរង្វាន់ប្រាក់ក្នុងការប្រកួតប្រជែង White Canvas Art នៅទីក្រុងភ្នំពេញ (២០២០) ។