ចូវ ធានលី

ចូវ ធានលី កើតនៅឆ្នាំ១៩៨៥ នៅខេត្តបាត់ដំបងប្រទេសកម្ពុជា។ គាត់បានធ្វើការជាអ្នករចនាក្រាហ្វិចនៅទីក្រុងភ្នំពេញ មុនពេលផ្លាស់ទៅខេត្តបាត់ដំបងក្នុងឆ្នាំ២០១១ ដើម្បីផ្តោតលើការងារសិល្បៈរបស់គាត់។ ការងាររបស់គាត់ផ្តោតលើរឿងរ៉ាវនានា ដែលដកស្រង់ចេញពីបទពិសោធន៍ផ្ទាល់ខ្លួន រៀបរាប់អំពីរឿងរ៉ាវនៃជីវិតប្រចាំថ្ងៃ និងសេចក្តីប្រាថ្នា តាមរយៈកាយវិការសាមញ្ញ ដោយប្រើប្រាស់ពណ៌ និងបន្ទាត់ជាធាតុ​​​​​​​​​​​​ក្នុងការ​បង្កើត​ស្នាដៃសិល្បៈរបស់គាត់។ គាត់​បានត្រឡប់មករស់នៅក្នុងទីក្រុងភ្នំពេញវិញ កាលពីឆ្នាំ២០១៨ ដើម្បីពង្រីកបរិវេណក្នុងការផលិតស្នាដៃរបស់គាត់។​ គំនូររបស់គាត់ក៏ត្រូវបានគេដាក់តាំងបង្ហាញជាច្រើនលើកផងដែរ។

គាត់ធ្លាប់មានការតាំងពិព័រណ៌ផ្ទាល់ខ្លួនជាច្រើន នៅវិចិត្រសាលចាវ៉ា ក្នុងទីក្រុងភ្នំពេញ (ចុង​ក្រោយ​បំផុត ខែវិច្ឆិកា ឆ្នាំ២០១៦)។ គាត់ក៏បានបង្ហាញស្នាដៃរបស់គាត់នៅសហរដ្ឋអាមេរិក និងប្រទេសសិង្ហបុរីផងដែរ។ ធានលី គឺជាសិល្បករឆ្នើមមួយរូប​ក្នុង​ចំណោម​សិល្បករ​ដែល​ល្បីល្បាញនៅក្នុងការតាំងពិព័រណ៌ជាក្រុមធំៗពីរគឺ៖ Phnom-Penh នៅ​the Musée de l’Hospice-Comtesse ក្នុងទីក្រុងលីល ប្រទេសបារាំង (ខែកញ្ញា ឆ្នាំ២០១៥ ដល់ ខែមករា ឆ្នាំ២០១៦) និង Cambodia: Looking back at the Future នៅវិចិត្រសាលហ្វ្លីន ក្នុងទីក្រុងហ្គ្រីនវីស សហរដ្ឋអាមេរិក (ខែឧសភា ដល់ ខែមិថុនា ឆ្នាំ២០១៧)។ នៅខែតុលា ឆ្នាំ២០១៧ គាត់​មានការតាំងពិព័រណ៍ទោលមួយនៅ​វិចិត្រសាល លី ក្នុងទីក្រុង​ប៉ារីស។ ស្នាដៃ​គំនូររបស់គាត់បានក្លាយ​ជា​ផ្នែកមួយ​នៃ​សុមុច្ឆ័យធំៗដែលមានដូចជា សុមុច្ឆ័យរបស់​សិល្បករខ្មែរ​ សុភាព ពេជ្រ និងសុមុច្ឆ័យនៃមូលនិធិ សាន់ប្រាយ របស់ប្រទេស​ហុង​កុង។