តោ វុត្ថា

តោ វុត្ថា  (កើត​ឆ្នាំ​១៩៧៥នៅជំរំសាយធូ) រស់​នៅ​និង​ធ្វើ​ការ​​​នៅខេត្ត​បាត់ដំបង។ គាត់នៅតែ​ទទួល​រងផលប៉ះពាល់ពី​​បទពិសោធន៏កាលពីកុមារភាព​និងវ័យជំទង់របស់គាត់ក្នុងនាមជាអ្នក​រស់រាន​មាន​ជីវិត​ពី​របបប្រ​ល័យពូជសាន៏ខ្មែរ​ក្រហម​​និង​ជា​អតីតជន​ភៀសខ្លួនពីជំរំសាយធូ​នៅព្រំប្រ​ទល់​ប្រ​ទេស​កម្ពុជា​-ថៃដែលជា​កន្លែងដែល​​គ្រួសារនិងគាត់​បាន​រស់នៅ​កំឡុង​ឆ្នាំ​១៩៧៩ដល់១៩៩២។គាត់​បាន​ចូលរៀន​ថ្នាក់គំនូរដែលចាត់ទុកជា​ផ្នែកមួយ​នៃ​ការ​ព្យាបាល​បែប​សិល្បៈ។

វុត្ថា ​បាន​ប្រើប្រាស់ការ​រៀន​គូរដើម្បី​ជំនះភាពអផ្សុក។ចាប់តាំងពីទីនោះមក ​​គាត់​បានចូលរួមក្នុង​ផលិតកម្មសិល្បៈនិងបង្កើត​ឈុតឆាកសម្តែង​សិល្បៈសៀកដែលបាន​សម្តែងនៅ​ប្រ​ទេស​បារាំង​អេស្ប៉ាញអាលឺ្លម៉ង់ស្វីសអាល់ហ្សេរីយ៉ានិងកោះ​រីនូញាណ។ក្នុង​ឆ្នាំ​ ​២០១២ដល់២០១៣គាត់​បាន​បន្តទៅ​សិក្សា​នៅ​សាលាសិល្បៈPivaut Superior Applied Arts School នៅ​ប្រ​ទេស​បារាំង។នៅក្នុង​នាម​ជា​សិល្បករ​ឯករាជ្យ ​សិល្បៈប្រ​ពន្ធ័ផ្សព្វ​ផ្សាយ​ចម្រុះ ​ គាត់​បានគូរ​គំនូលើ​ជញ្ជាំង​សំរាប់​ព្រះវិហារនិង​នៅ​តាម​វត្ត​នៅ​ក្នុង ​ប្រ​ទេស​ថៃ។គាត់ក៏​បាន​ធ្វើ​និវាសដ្ឋាន​សិល្បៈនៅទីក្រុង​ប៊លដកកោះរីនូញាណ​ប្រ​ទេ​សថៃនិងថ្មី​ៗនេះ​នៅ​មជ្ឈមណ្ឌលសិល្បៈវើលម៉ន​សហរដ្ឋអាមេរិក។វុត្ថាជា​សហស្ថាបនិកនិងជា​ប្រ​ធាន​ផ្នែក​គរុកោល្យផ្នែ​កសិល្បៈទស្សន៏នៃអង្គការ​ហ្វារ​ពន្លឺសិល្បៈក្នុង​ខេត្ត​បាត់ដំបង។ក្រោយពី​ធ្វើ​ការ​ឆ្លងកាត់​បទពិសោធន៏ជាច្រើនមកគាត់​បាន​ចូលរួមទាំង​ស្រុង​​​ក្នុង​ផ្នែក​បង្រៀននៅអង្គការ​ហ្វារ​ពន្លឺសិល្បៈ ​ដើម្បី​ចែករំលែក​បទពិសោធន៏របស់​គាត់​។

ស្នាដៃ​សិល្បៈរបស់​គាត់​ត្រូវ​បាន​ដាក់បង្ហាញនៅ​ស្ថានទូត​បារាំង (ឆ្នាំ​២០១៨) និងនៅវិទ្យាស្ថានវប្បធម៍បារាំង​នៅកម្ពុជា​ (ឆ្នាំ​២០១៧), នៅ​ទីក្រុង​បាងកកនិងក្រាប៊ីប្រទេស​ថៃ (ឆ្នាំ​២០១២), នៅ​ប្រ​ទេស​បារាំង​ (ឆ្នាំ​២០១០), នៅ​ប្រ​ទេស​កូឡុំប៊ី, និងការិយាល័យកណ្តាលអង្គការ​សហប្រ​ជា​ជាតិ​នៅទីក្រុង​ញ៉ូវយ៉ក (ឆ្នាំ​២០១០)។