ប៉ែន រ៉ូប៊ីត

ប៉ែន រ៉ូប៊ីត (កើត​ឆ្នាំ ១៩៩១ ក្នុង​ខេត្ត​បាត់​ដំបង ប្រ​ទេស​កម្ពុជា) រស់នៅ និងធ្វើ​ការ​នៅក្នុង​ទី​ក្រុង​ភ្នំពេញ។ គាត់​បាន​បញ្ចប់ការ​សិក្សានៅ ហ្វារ ពន្លឺសិល្បៈ ក្នុង​ឆ្នាំ​ ២០១០។ ការអនុវត្តសិល្បៈរបស់គាត់ ​គឺផ្តោតសំខាន់លើការគូរគំនូរ រួមទាំងការគូររូបផ្ទាល់ និងការសម្តែង។ សិល្បៈរបស់គាត់ត្រូវបានបង្កើតឡើងដោយវិធីផ្សេងៗគ្នា​ ដែលស្ថិតនៅក្នុងលំយោលរវាងរូបី និងអរូបី​ ហើយជាញឹកញាប់គឺបង្ហាញអំពីតថភាពសង្គម និងឥទ្ធិពលនៃនិមិត្តសញ្ញាវប្បធម៌ខ្មែរ ក៏ដូចជាការជជែកវែកញែកពីសង្គម។ ស្នាដៃ​របស់​រ៉ូប៊ីត ច្រើន​តំណាង​ឲ្យ​ស្ថានភាព​បច្ចុប្បន្ន អតីតកាល និងអនាគតនៃ​សង្គម​នយោបាយ​របស់​ប្រ​ទេស​កម្ពុជា​។

ប៊ែន រ៉ូប៊ីត​​ បានចូលរួមសិក្ខាសាលាស្តីពីការចងចាំជាមួយ លោក​ វ៉ាន់​ ណាត​​​ និងសេរ៉ា អ៊ីង​នៅ មជ្ឈមណ្ឌលបុប្ផាណារាជធានីភ្នំពេញ (ឆ្នាំ ២០០៩) និងបានធ្វើកម្មវិធីផ្លាស់ប្តូរការសិក្សានៅ Pivaut Applied School of Art, Nantes ប្រទេសបារាំង (២០១១) ។ គាត់ធ្លាប់ជាសិល្បករ​ស្នាក់នៅនិវាសដ្ឋានសិល្បៈ ជាមួយការផ្លាស់ប្តូរសិល្បៈ និងវប្បធម៌អន្តរជាតិនៅកោះតៃវ៉ាន់ (២០១៥) និងនៅមហោស្រព OzAsia Adelaide ប្រទេសអូស្ត្រាលី (ឆ្នាំ ២០១៦) ។

ការតាំងពិព័រណ៍ទោលរបស់ រ៉ូប៊ីត រួមមាន Out Of This World,  នៅ​វិចិត្រសាល​ Richard Koh Fine Art, ប្រទេសម៉ាឡេស៊ី (២០២០); Beyond,  នៅវិចិត្រសាល Tribe Cambodia, ខេត្តសៀមរាប ប្រទេសកម្ពុជា; សរសៃ, នៅ​គម្រោងសិល្បៈស-ស, រាជធានីភ្នំពេញុ ប្រទេសកម្ពុជា (២០១៩); ក្រម៉ា, នៅវិចិត្រសាល រមៀត សិល្បៈសហសម័យ, ​រាជធានីភ្នំពេញ ប្រទេសកម្ពុជា (២០១៣) ; និង Untitled, នៅវិចិត្រសាល រមៀត, រាជធានីភ្នំពេញ ប្រទេសកម្ពុជា (២០១២) ។ ការតាំងពិព័រណ៍ក្រុមថ្មីៗរបស់គាត់ រួមមាន : No Boundaries  គម្រោងផ្លាស់ប្តូរសិល្បៈឥណ្ឌូនេស៊ី និងកម្ពុជា (២០១៥) ចាវ៉ា និងមូលនិធិអាស៊ី, រាជធានីភ្នំពេញ ប្រទេសកម្ពុជា;  20 ANS! Made in Cambodia (២០១៥), នៅ Galerie Impressions, ទីក្រុងប៉ារីស ប្រទេសបារាំង; Made in Battambang (២០១៤), នៅវិចិត្រសាល វិទ្យាស្ថានបារាំង, រាជធានីភ្នំពេញ ប្រទេសកម្ពុជា; និង Southeast Asia: Figurative Speaking (២០១៤) នៅវិចិត្រសាល The East Gallery,​​ ទីក្រុងវែនខូវើ ប្រទេសកាណាដា។