ប្រាក់ ដាលីន

ប្រាក់ ដាលីន (កើត​ឆ្នាំ​១៩៩៦ ខេត្តកំពង់​ចាម) រស់នៅ​ និង​ធ្វើ​ការ​ក្នុង​ទីក្រុង​ភ្នំពេញ។ គាត់​បញ្ចប់​ការសិក្សា​ផ្នែក​ស្ថាបត្យកម្ម​ពី​សាកលវិទ្យាល័យ​ភូមិន្ទវិចិត្រសិល្បៈ នៅឆ្នាំ​២០១៩។ គាត់បាន​បញ្ចប់ការសិក្សាពីថ្នាក់​ភាសាអង់គ្លេសសំរាប់​សិល្បករ​ បង្រៀន​ដោយ វុធ លីណូ សហស្ថាបនិកនៃ ​គម្រោងសិល្បៈស-ស និង ឱក ព្រហ្មសុដន ជា​ស្ថាបនិកនៃ ក្រុម​អ្នក​របាំប្រុស​ ឱក ព្រហ្ម​សុដន និងវជ្រនាគវង្សា។ លើសពីនេះគាត់​ក៏បាន​បញ្ចប់ថ្នាក់សិល្បៈសហសម័យ​ បង្រៀនដោយ​ សិល្បករ​ ខ្វៃ សំណាង សហស្ថាបនិក​នៃ​គម្រោងសិល្បៈស-ស (ឆ្នាំ​២០១៨)។ គាត់​បាន​ចូលរួម​នៅក្នុង​គម្រោង សិក្ខាសាលា colLABoration ជា​មួយ​និសិ្សត​ផ្នែក​សិល្បៈគ្រប់ទំរង់​នៃ​ សាកលវិទ្យាល័យ ​ឈៀង ម៉ៃ នៅគម្រោងសិល្បៈស-ស (ឆ្នាំ​២០២០)។

ក្នុង​នាម​ជា​សិល្បករ​និងស្ថាបត្យករ គាត់​ប្រើប្រាស់​សម្ភារៈ បែប​ធម្មជាតិ និង​បែបស្ថាបនកម្ម ដើម្បីបង្កើតជាស្នាដៃ​​ចម្លាក់ និងស្នាដៃ​បង្គុំ ដែល​រំលេចឡើង​ជា​ប្រពន្ធ័ចម្លាក់​ផ្តោតសំខាន់លើ​ផលប៉ះពាល់នៃ​ការ​អភិវឌ្ឍន៍ទីក្រុង។ ស្នាដៃ​របស់គាត់​ត្រូវ​បាន​បំផុស​គំនិតដោយ​ធម្មជាតិ និង​ដំណើរការ​នៃការបញ្ចូល​បង្កើតឲ្យ​បាន​ជា​សិល្បៈទស្សន៏ និងការបង្គុំ។ គាត់​បាន​ធ្វើ​ការ​សាកល្បងលើ​ការប្រើប្រាស់​នូវ​សម្ភារៈគ្រប់ទម្រង់ និងផ្តោតលើការ​ប្រើប្រាស់​នូវ​​អត្ថប្រ​យោជន៏ផ្សេងៗនៃ​សម្ភារៈ។ ពិព័រណ៍ទោលរបស់ដាលីន ​សម្ភារនិងក្តីស្រមើស្រមៃ នៅគម្រោងសិល្បៈស-ស ទីក្រុង​ភំ្នពេញ (ឆ្នាំ​២០២១)។ ពិព័រណ៍ជាក្រុម​ដូច​ជា៖ ​ Invisible Voices នៅសណ្ឋាគារ​ ទ្រីឡាញ នៅ​ខេត្ត​សៀមរាប (ឆ្នាំ​២០២០)​​​​​​​​​; របត់​បេតុង នៅភ្នំពេញ (ឆ្នាំ​២០១៩); សារក្នុង​ចិត្ត​ ក្នុង​មហោស្រពរូបថតភ្នំពេញ នៅវិចិត្រសាល​ទទឹម​ (ឆ្នាំ​២០១៩)​; និង ពិព័រណ៍ មុជ នៅ​គម្រោងសិល្បៈស-ស ទីក្រុង​ភំ្នពេញ (ឆ្នាំ​២០១៩)។ គាត់ក៏​បានចូលរួមនៅក្នុងកម្មវិធី​​និវាសដ្ឋានសិល្បៈ ពិសោធន៍ និង​ការ​បើក​ស្ទូឌីយោពី​ គម្រោងសិល្បៈ ស-ស ផងដែរ (ឆ្នាំ​២០១៩)។