ម៉ៅ សុវណ្ណចាន់ឌី

ម៉ៅ សុវណ្ណចាន់ឌី គឺជាស្ថាបត្យករ អ្នកថតរូប និងសិល្បករ ការងាររបស់គាត់ផ្តោតលើការស្វែងយល់ការរចនាសម្ព័ន្ធ និងបទដ្ឋានសង្គម ឆ្លុះបញ្ចាំងពីខ្លួនឯង និងបទពិសោធន៍របស់គាត់។ គាត់បានស្វែងរកការបំផុសគំនិតពីបរិយាកាសជុំវិញនៃបរិបទដែលកំពុងរីកចម្រើនយ៉ាងឆាប់រហ័សនៃទីក្រុងភ្នំពេញ ដែលពោរពេញទៅដោយតម្លៃប្រវត្តិសាស្ត្រ និងវប្បធម៌។ គាត់ចាប់អារម្មណ៍លើការថតរូប និងផ្នែកសំណង់អគារស្ថាបត្យកម្មបេតិកភណ្ឌចាស់។ ចាន់ឌីដកបទពិសោធន៍ផ្សេងៗពីការថតរូបដែលមានគំនិតខុសៗគ្នា ពីរឿងមួយ ដែលជំរុញឱ្យមានការពិភាក្សាបន្ថែមទៀត។ គាត់ជឿថាសិល្បៈដែលបង្ហាញអំពីការស្រមើលស្រមៃ ការឆ្លុះបញ្ចាំង ជំរុញការគិត និងបង្កើតអោយមានទស្សនវិស័យនិងសក្តានុពលផ្សេងៗ។

ចាន់ឌី កើត នៅ បាត់ដំបង រស់នៅ និងធ្វើការនៅទីក្រុង ភ្នំពេញ។ គាត់បានបញ្ចប់ការសិក្សាពីសាកលវិទ្យាល័យ Paragon International ផ្នែកបរិញ្ញាបត្រវិទ្យាសាស្ត្រផ្នែកស្ថាបត្យកម្មក្នុងឆ្នាំ ២០២០ ហើយក៏ បានបញ្ចប់ថ្នាក់រូបថតបែបសហសម័យ និងឯកសារ ឆ្នាំ២០២១ និង ថ្នាក់ភាសាអង់គ្លេសសម្រាប់សិល្បករបង្រៀនដោយ ឱក ព្រហ្មសុដន្រ្តៈ និង វុធ លីណូ។  គាត់បាន ឈ្នះ ពាន រង្វាន់ Dogma Prize ដែល តាំង បង្ហាញ នៅ Galerie Quynh Gallery ទីក្រុង ហូជីមិញ ប្រទេស វៀតណាម។ គាត់បានចូលរួមក្នុងការតាំងពិពណ៌ជាក្រុមរួមមាន ការតាំងពិពណ៌ “Reflectance”, Treeline Gallery, សៀមរាប (2022), Jakarta International Photo Festival (JIPFest), ហ្សាកាតា, ឥណ្ឌូនេស៊ី(2022), ការតាំងពិពណ៌បញ្ចប់ថ្នាក់រូបថតបែបសហសម័យនិងឯកសារ នៅគម្រោងសិល្បៈស-ស ឆ្នាំ២០២១ និង ការតាំងពិពណ៌ Penh Art ឆ្នាំ២០២១ នៅFactoy Phnom Penh ឆ្នាំ២០២២១ ។ គាត់ក៏បានចូលរួមកម្មសិក្សានិងស្ម័គ្រចិត្ដលើការស្រាវជ្រាវទិន្នន័យដែលទាក់ទងនិងអគារស្ថាបត្យកម្មខ្មែរថ្មី រោងកុន និងសម្ភាសជាមួយព្រឹទ្ធាចារ្យអំពីអគារបេតិកភណ្ឌ ជាមួយគម្រោង វណ្ណ ម៉ូលីវណ្ណ គម្រោងរោងកុន និងសាលារាជធានីភ្នំពេញ ពីឆ្នាំ២០១៨ ដល់ ២០២០។