ស៊ិន ម៉ានី

ស៊ិន ម៉ានី (កើតនៅឆ្នាំ ១៩៩០ ក្នុងខេត្តបាត់ដំបង ប្រទេសកម្ពុជា) រស់នៅ និងធ្វើការនៅទីក្រុងភ្នំពេញ។ បានគាត់​បញ្ចប់ការសិក្សាថ្នាក់បរិញ្ញាបត្រផ្នែកធនាគារ និងហិរញ្ញវត្ថុ ពីសាកលវិទ្យាល័យបាត់ដំបង ហើយក៏ជាវិចិត្រករបង្រៀនខ្លួនឯងមួយរូប ដែលធ្វើការ​បង្កើតស្នាដៃតាមរយៈការ​ ពិសោធន៍ទៅលើការដំឡើង គំនូរ និងការបោះពុម្ព។  ស្នាដៃរបស់គាត់បង្ហាញពីសោភ័ណភាពដែលបង្កប់នូវការចងចាំ អារម្មណ៍ និងបទពិសោធន៍ផ្ទាល់ខ្លួនរបស់គាត់នីមួយៗ និ​ងជារួម។ តាមរយៈការធ្វើការជាមួយបន្ទាត់ និងរាងធរណីមាត្រ ម៉ានីសង្ឃឹមថាការងាររបស់គាត់នឹងអាចក្លាយជាគំរូមួយសម្រាប់ខ្លួនគាត់ និងប្រជាជនកម្ពុជាដទៃទៀត ឲ្យមើលសិល្បៈក្នុងន័យជាមធ្យោបាយនៃការស្វែងរកខ្លួនឯង និងការបញ្ចេញមតិ។

ស៊ិន ម៉ានី គឺជាសិល្បករ​និវាសដ្ឋានសិល្បៈពិសោធន៍ឆ្នាំ២០២០/២១ នៃគម្រោងសិល្បៈស-ស មួយរូប។ ម៉ានី បានចូលរួមតាំងពិព័រណ៍ជាមួយការតាំងពិព័រណ៍ជាក្រុមរបស់ វិទ្យាស្ថានបារាំងកម្ពុជា Personne et Espace, ហើយនឹងការតាំងពិព័រណ៍ទោលដំបូងរបស់គាត់គឺ​​ Sign នៅវិចិត្រសាល ចាវ៉ា ទួលគោក។ គាត់ ក៏ជាស្ថាបនិកមួយរូបក្នុងចំណោមស្ថាបនិកទាំងបីនៃ HOMELESS Artist Collective ផងដែរ។