ហ៊ុល កញ្ញា​

ហ៊ុល កញ្ញា​  (កើតនៅឆ្នាំ ១៩៩៩ នៅខេត្តសៀមរាប) រស់នៅ និងធ្វើការ នៅខេត្តសៀមរាប ប្រទេសកម្ពុជា។ បច្ចុប្បន្នគាត់​កំពុងបន្តការសិក្សាថ្នាក់បរិញ្ញាប័ត្រភាសាអង់គ្លេស នៅសាកលវិទ្យាល័យ។ កញ្ញា គឺជាអតីតសមាជិកនៃក្រុម​សិល្បករ​ របស់ “អូផិនស្ទូឌីយោខេមបូឌា” ។ កញ្ញា មានអារម្មណ៍ថា សិល្បៈគឺចាំបាច់ចំពោះព្រលឹងរបស់គាត់ដែលជារបៀបនៃការបង្ហាញខ្លួនឯង ហើយមានទំនាក់ទំនងយ៉ាងជិតស្និទ្ធទៅនឹងការអនុវត្តសិល្បៈប្រចាំថ្ងៃរបស់គាត់​។ ស្នាដៃសិល្បៈពហុជំនាញរបស់គាត់​រួមបញ្ចូល សិល្បៈថតរូប និងការសម្តែង ជាមួយនឹងការគូរ កាត់ក្រដាស និងបច្ចេកទេសធ្វើការដាន។ ដោយហេតុនេះស្នាដៃ​របស់គាត់​​តែងតែបង្ហាញពីតួនាទីរបស់ស្ត្រីនៅក្នុងសង្គម និងសំណួរអំពីជំនឿដែលមាននៅក្នុងសង្គម និងការ​អបអរសាទរស្ត្រីនៅក្នុងជីវិតរបស់គាត់​។

កញ្ញា​ គឺជាសិល្បករ​ទទួលជ័យលាភី​ពី​ Treeline Urban Resort Grant (ឆ្នាំ​២០២០) និងត្រូវបានគេអញ្ជើញជាវាគ្មិន និងបង្រៀន​សិល្បៈដោយសន្និសិទ្ធអង្គការស្ត្រី អាយ ៤ អាយ​ របស់អង្គការសហប្រជាជាតិ (ឆ្នាំ​២០២០) និងមហោស្រពសិល្បៈ NOMADIX (ឆ្នាំ​២០២០) ។ គាត់​​បានចូលរួមក្នុងការតាំងពិព័រណ៍ជាក្រុមនៅទូទាំងប្រទេសកម្ពុជា ក៏ដូចជាវិចិត្រសាល​ Galerie Lee នៅទីក្រុងប៉ារីស (ឆ្នាំ​២០២០) និងវិចិត្រសាល Artxchange នៅទីក្រុង Seattle សហរដ្ឋអាមេរិក (ឆ្នាំ​២០២០) ។