អ៊ុក ជឹមវិចិត្រ

អ៊ុក ជឹមវិចិត្រ​ (កើត​ឆ្នាំ​១៩៨១​ក្នុង​ទីក្រុង​ភ្នំពេញ) រស់នៅ​ និងធ្វើ​ការ​នៅ​ក្នុង​ ទីក្រុង​ភ្នំពេញ។ គាត់​បាន​បញ្ចប់​ការ​សិក្សា​ផ្នែក​សូនរូប ទំនើប នៅ​សាកលវិទ្យាល័យ​ ភូមិន្ទវិចិត្រសិល្បៈ នៅភ្នំពេញ។ ចាប់តាំងពីឆ្នាំ​២០០៦រហូតដល់បច្ចុប្បន្ន គាត់​គឺជា​គ្រូបង្រៀន ផ្នែក​ទីក្រុង ​និង​ស្ថាបត្យកម្ម​ នៅ​សាកលវិទ្យាល័យ ​ភូមិន្ទវិចិត្រសិល្បៈ។ នៅកំឡុងពេល​ជា​និស្សិត ​គាត់​បាន​ចូលរួម​គម្រោង​សិល្បៈសន្តិភាពនៃ​ប្រ​ទេស​កម្ពុជា​ ដែលបង្កើតឡើងដោយសិល្បករ​អង់គ្លេស Sasha Constable។ ពួកគេ​បាន​កែច្នៃអាវុធទៅ​ជា​ស្នាដៃសិល្បៈដែល​បង្ហាញពី​ពាក្យ​ថា​ សន្តិភាព។ បន្ទាប់មក​គាត់​បាន​ចាប់ផ្តើមប្រើប្រាស់សម្ភារៈផ្សេងៗជា​ច្រើន ដូច​ជា​ ដែក ថ្ម និងឈើ។ វិចិត្រ ​ក៏ជា​សិល្បករ​ផ្នែកគំនូរមួយរូបផងដែរ ដែលស្នាដៃរបស់គាត់​ផ្ដោតទៅលើដំណើររុករកធាតុ​ផ្សេងៗដែល​ជា​អត្ត​សញ្ញាណ​វប្បធម៍នៃ​ប្រ​ទេស​កម្ពុជា។ សិល្បៈរបស់គាត់បង្ហាញឲ្យ​ឃើញនូវ​ លទ្ធិភាពនៃ​ការ​ព្យាយាម​បញ្ចប់នូវ​ភាពទុក្ខសោក ការ​បំផ្លាញ ការ​បាត់បង់​ជីវិត​ និងការ​ផ្លាស់ប្តូរនូវ​ផ្នត់គំនិត​របស់​មនុស្ស ​ទៅជា​ការ​ស្រលាញ់ ភាពជា​មនុស្ស​ជាតិ និង​សន្តិភាព។ ពិព័រណ៍របស់គាត់​រួមមាននៅ​​ វិចិត្រសាលសិល្បៈ សារៈមន្ទី វិទ្យាស្ថាន សាលា ស្ថានទូត សណ្ឋាគារ និងភោជនីយដ្ឋាន​នានា​ ក្នុង​ប្រ​ទេស​កម្ពុជា ដែលរួមជា​មួយ​នឹង​ចម្លាក់ដ៏ល្បីល្បាញមួយរបស់គាត់​ អប្សរាចម្បាំង បាន​ដាក់​បង្ហាញនៅ​ សាកលវិទ្យាល័យ សារមន្ទីរសិល្បៈ មីឈីហ្គែន ។